ესსეების კონკურსი “საუკეთესო სტუდენტური ნაშრომი 2014“

იურიდიული ფირმა „ მგალობლიშვილი ყიფიანი ძიძიგური “ (MKD) ივანე ჯავახიშვილის სახელობის თბილისის სახელმწიფო უნივერსიტეტის იურიდიულ ფაკულტეტთან თანამშრომლობით აცხადებ ს კონკურსს “საუკეთესო სტუდენტური ნაშრომი 2014“.

კონკურსი განკუთვნილია მაგისტრატურის სტუდენტებისთვის, რომლებსაც მოეთხოვებათ ესსეს დაწერა თემაზე კერძო სამართლის სფეროდან.

იურიდიული ფირმა „მგალობლიშვილი ყიფიანი ძიძიგური“ კონკურსის 3 გამარჯვებულს (პირველი, მეორე და მესამე ადგილი) გადასცემს შესაბამის ფულად პრიზს .

მონაწილეობის მსურველებმა საკუთარი ნამუშევრები უნდა წარმოადგინონ ელექტრონულად ქართულ ენაზე და პირადობის მოწმობის ასლთან ერთად გამოგზავნონ შემდეგ ელექტრონულ მისამართზე: law@tsu.ge (თემის ველში მიუთითეთ: კონკურსი „საუკეთესო სტუდენტური ნაშრომი 2014“) .

ნაშრომის ზომა არ უნდა აღემატებოდეს 2 ნაბეჭდ გვერდს 1,5-იანი ინტერვალით და 12-იანი Sylfaen -ის შრიფტით. საკონკურსო ნაშრომი უნდა ასახავდეს ავტორის პირად ხედვას მოცემულ თემასთან დაკავშირებით.

ესსეები მიიღება მიმდინარე წლის 1-ლი აპრილიდან 15 ივნისის ჩათვლით.

შემოსული ესსეების შეფასების ძირითად კრიტერიუმებად განიხილება ორიგინალური აზროვნება, ანალიტიკა და თემის ცოდნა .

გამარჯვებულების გამოვლენა მოხდება საბუთების მიღების ვადის დასრულებიდან 2 კვირის განმავლობაში.

გისურვებთ წარმატებას!